執到一個段落....

目前進度係12箱...orz 惡夢....

停一停的主要原因不是太累...而係已經冇箱了...囧....一個小箱暫放緊夏衣...另一個大箱放緊另一d雜物....已經閂左大燈...靠臺燈照明始終有差...所以...明天起來再執啦...

呢個假期我應該都係執野&執野架啦....明天中午...五更果箱都會到...所以....清空半個衣櫃放箱係明智的....唔係就連行都冇位...咪話執野了....
室友對我呢幾日的清空行為很訝異呢...

對了...上山攞畢業冊風波好大....超、勁、爆、喪、鬼死咁大雨，而我出發時係冇帶傘...一整個就係歡樂啦我...
畢冊好大本...不過比想像中細就還好啦....然後....放工前綺行msn問我學士袍的問題...囧...要去系辦攞? 做咩我去果陣冇人同我講又冇人問我有冇借袍的呀?? 囧!!!!
唔知啦...ptt都冇告公...又唔見有人講....唉...算啦...幾十蚊...冇就算啦...反正都係影相之嘛...而我上鏡有幾唔掂...我已經萬分清楚...至於回憶嘛...
記唔到都冇計...有相都可以記唔起架者....


頭先老媽打黎話舊居早已經cut左電話...我冇得留固網電話比貨運公司了...得個大半年冇用過ge手提號碼...有點不安...就搵左five幫手試下佢仲用唔用得...呵呵...通呢...即係打得入唔打得出啦...嗯....唔打得長途的樣子...

我對老媽的cut電話有點傻眼...佢話佢住緊果度都cut左...反正大家都用手提...咪cut左佢囉...每個月仲可以慳幾十蚊...囧? 佢有咁窮嗎? 深深懷疑佢又係慳粒糖買間廠...