36度跑操場....

今日係登山課最後一日了....下星期四約左貨運公司朝早收件...返唔到學...於是同老師講...佢就叫我下一節考埋下星期要考的項目...
＞／／／／＜老師真好人~~~~~感激~~~~

但係...36度的高溫....我唯有感激有風..比上星期好少少咁啦....上星期都係要跑操場...但上次冇風之餘要跑5圈...今次跑一圈就ok了...但今次要計秒數了...
我跑一圈用了107秒 =_=真快....

上完第一堂...就去食個早餐準備下一堂了...但大半小時...爬5層未免太可怕了...於是...呵呵..我去左辦公室涼冷氣食早餐...辦公室雖然係7樓...但係有電梯呀嘛...
學姐見到我好驚嚇呢...仲問我係咪吃錯藥了...哈哈哈...太耐冇係朝早現身了...我直接話黎食早餐...今日考體育囉~~學姐們都好好人的啦~~笑笑就由得我在這邊上網打早餐...
考完第二堂...又黎辦公室...打工囉~~最後一日了....5月份的時數其實不多...再偷懶就太窮了...

中間兩點幾放自己返去食個晏順便沖個涼...=口= M到...shit!! 在這種忙到死的時刻搞我? shit!!
放工前綺行黎還書比我....決定提早少少走啦...多個人係辦公室都係怪怪地咁...
返房放抵d書...順便食粒藥...實在太痛了...等陣要去攞機票...仲要去匯豐..唔知要行幾多路耶...

最後仲去埋台北車站買鞋...200蚊都算ok啦~ 就算少著都唔會太痛...
成十點先返到政大...食個晚餐已經謝晒...人老啦...唉...d野都未執....

五月最後兩日

時間算快嘛?? 在殷切的期盼中....其實是慢長的....

尤其在覺得已經玩夠的狀況下...orz...可是...我長大了...不能再任性的說不要就不要...說走就走....
雖然細個果陣都唔得...但係果陣係冇能力...依架係多左自制力...
唉~~~~~~(深深的長嘆)
頭先同羊仔傾左一大輪....我發現........大家真係好錫我呢~~~
佢搞左好多野想比驚喜我...於是我咁遲先話佢知我返去...就變左驚嚇...仲累佢要拒絕佢個fd添...我真係罪葉深重啦~~~嘩哈哈哈哈~~~~囂張得我...
...其實有點難為羊仔架啦...但係...人生路上要學識拒絕呢件事...佢都要好好練習架啦...好似呢d兩難狀況其實不會少...佢總要得失其中一邊架啦~~~

然後...今日高爾夫球堂同老師講左只可以上多一次....然後今日開始考試...我12球有6球達標就懶懶的坐一邊了...呵呵....

俄國史...老師提我交報告...orz原來之前我走左的《戰爭與和平》有報告要交...想死...今期的題目大到可以寫論文...老師真狠....

打完了

終於完成了.....orz....

咁就四點了.....傻眼.....

簡報：
　　尋日訂完機票，好波折地～然後轉左帳，即係比左錢，等天光問佢地收到未～同埋幾時去羅囉！
　　搞掂左出入境證！ｙｅａｈ！少一樣煩心野！
　　再同貨運公司重約時間，提早一個星期到達澳門！
　　約好左安安幫我睇箱＞＿＜她是天使～
　　仲有安琪幫我交暑修錢，雖然仲未知幾錢，但好明顯，佢都係天使～
　　
而我，應該都就快升仙架啦～＿～

忙....亂....

好多事好多事要搞.....

件件事都要上心....心頭掛得太多......就冇心機黎寫流水帳了......

假日努力的打字.....星期日幫衣櫃換左季....回收左3大袋衣服....orz 女生真係好可怕...憑我都有咁多衫...真恐怖....

要打包的冬衣太多...應該還會再丟一些吧?

要執ge野好似永遠都封唔到...依架去到第十箱...有9箱都係書....有一箱全部係衫...因為果個箱感覺上比較薄弱,...就唔敢放太多...驚佢受唔住...

膠箱都封左兩箱了...都係半衫半書咁....目前每一箱我一人之力都有信心托到落樓下啦...
但很有可能會有廿箱orz...一個人上落5樓20次的話....一定會成仙吧??
唉~~都係要搵人幫手架啦...雖然唔係太想麻煩人地...但係我只有一個人...事情已經唔係夠唔夠力的問題那麼簡單了...
根本就不是一個人可以完成的事啊！

然後...機票訂黎訂去都話候補中...orz 想點呀！
今日應該可以去小南門搞掂個出入境證吧？希望ｏｋ啦～
然後去交報告、面交初版的國際法、回宿舍完成打字…………就係今日的行程了....

依架有點累...要上床休一休....尋晚9點幾斷片...凌晨兩點起身...就搞到依架了....
主要係打字同埋食野......夏天一唔小心就唔記得食野...尋晚冇食晚餐就睡死啊嘛~~要補返~~邊食邊睇[V]的eason係luxy的live錄影...哈哈...我見到自己影相的手仔呢...好笑~
不過~都係現場正d...
然後就不停打字...目前仲差最後十張紙而已...今日應該打得完啦....今次真係最後啦＞＿＜跟住ge日子要煩的東西更多啊～

好笑的music station...XD

頭先執書...執完第八箱...已經就快死得咁滯....於是就死落去7仔買野食...

返房開住傳說中有AVRIL的那集Music station....結果XD 她表演達水準，但電視台幫她的歌詞消音讓我笑很久很久ＸＤ
歡樂到一個境界！哈哈哈哈～歌詞有個 fucking...字幕變成: f**king...背景則計到準係果個字靜音左...半秒? 因為違和感不重...哈哈哈哈哈～

正真的公平，竟然本國語言的粗口不能上電視，他國的粗口應該也同樣對待啊！
香港電影圈有最斯文的黑社會，唔講粗口耶ＸＤ一講就三級，哈哈哈，但係外語電視就ＦＵＣＫ完又ＦＵＣＫ都照上不誤，也不用貼三級～
這不是語言歧視是什麼？歧視本地語言嘛～～哈哈哈～不過，或者日本自己有引進了英文的FUCK做外來語的粗口？哈哈哈～～如果是，那就更歡樂啦！連粗口都統一得到ＸＤ贏晒啦～

ＯＨ～準備去訓架啦～

體育期中考之跑操場

又係痛苦地起床...去到操場已經35度C....

等到上堂就要起跑前升到36度....這些數字是體育館門口的電子版顯示的....囧！見到都唔開胃，然後老師話，本來要環山跑的期中考題目，因為太高溫比我地揀：要跑操場５圈還是上山，大家當然是選操場啦～

於是先做熱身操，然後跑半圈我就唔掂，要開始用行的，老師本意係驚我地係山上萬一休克或中暑，佢一個人救唔切啦～

操場一眼睇晒嘛～結果有三個人扮野，４圈當５圈，賤格～
我咪本來係佢地前面變相做最後一個囉！算啦～我都係為補堂，賤格的人處處都有。

下午返工。晚上執書……一日完。

複雜天氣

出門時很悶熱...上國際法時落狂雨...窗外是一片白...什麼都看不到..,.但係體育堂果陣晒到想死...囧

同國際法的老師報備了期末考不能出席，老師叫我提早跟外交系的一起考，所以不能考選擇題了orz...心酸~~

俄國史又係睇戲....講日俄戰爭....果然是教學片...有夠好笑的...第一次見到同學係老師開燈時要求睇多陣ＸＤＤ
實在太好笑嘛～那年代的拍攝手法、演技……一整個就是歡樂，老師話我地太傷作者的心，那是一部很嚴肅又慘烈的電影耶～～但他自己也是笑住講ＸＤ
呵呵呵～～

體育堂，想問老師之前缺課補課的問題，佢竟然話：下一課我們集體講……
我哦左一聲之後覺得奇怪……佢係咪誤會左呀？是旦啦～反正下星期國際法停課，我可以去補堂～
放學之後，就去買想食成個星期都未食得到的牛肉湯餃，ＷＯＯ～好飽～～

夜晚去洗頭，我肯定髮型師剪左我起碼一半以上的頭髮，剩下超少的～唔洗兩個鐘就乾晒，都唔係架？

霸王餐and剪髮了...

好夜了...

今日重點是午餐食左霸王餐...因為有個死蠢唔記得帶銀包=口=

返房拿回去比完錢就閃去剪頭髮...講明我會繼續留長...佢都係剪左一半...

個頭...＞＿＜冇得綁馬尾了～得返毛筆咁多～嗚嗚嗚……

然後打左兩千字，真慢～唉～因為放學死左去師大嘛！今日終於試著左之前買的洋裝……orz原來它是deep V的...我...我....我根本撐不起啊！又不想玩水餃……

於是死死地氣重買，今次要就住所有配件買衫，感覺上就係……好煩，就黎唔想去架啦（任性）

散晒之唔肯返學

尋日兩役....今日起身...成身散晒....好似唔係自己ge咁....＞＿＜

好唔想郁...但係要寄充電器比五更...又要轉帳...唔起都唔得

買左個飯...食完就唔想郁...於是睇左集卡通...上陣網...傾陣msn...就訓著左...

再起身已經就快8點...好糜爛的一日...但冇計...真係郁唔到....

9點去丟垃圾順便買滷味晚餐，又收下新一份要打字的稿……係，我又收下了，尋日洗得太大啦～唔幫補下好唔掂啊！

然後又搞到凌晨，不過叫做做左兩份報告，聽日會返學的啦＞／／／＜

大雨中登山VS瘋狂火鍋團

早晨七點十分先起到身，三十分死到去體育館剛好出發，追到大隊，行到十點＝口＝惡夢！
因為路上越行越大雨，回到體育館……只剩半個頭、前半身連大腿沒濕，膝蓋及以下都完了，頭髮也濕了，雙手更別提了！唉～～～

十點先回房吃個早餐，換下濕掉的一身行頭，準備好見五更的文件，又回到體育館睇睇有冇獎品慰勞一下可憐的自己，來個ＭＰ３或隨身碟都好呀！結果？當然是什麼都沒有啦！

馬上去坐２３６～嗯，比五更早幾分鐘到達K-MALL而已～

然後就是瘋狂火鍋團的開始，呃，結果因為有人死蠢冇訂位，所以食唔成麻辣火鍋，將就一般火鍋，都叫做食到啦嘛！

拖著不算是腳的腳行了西門町、師大、公館，一整個就覺得自己是鐵人，而五更則是有段數的高級鐵神ＸＤ
實在太強了～我輸了～呃……也窮了ORZ.....

執書日

今日訓到中午先起身，上網ＰＯ左賣結他的文係ＰＴＴ同學校個ＢＢＳ仲有露天拍賣，就睇小說，然後開始搞Ｄ漫畫雜誌……

終於餓了，四點幾先死去買野食，又係送卡通囉！食完又繼續，然後室友回來一下，沖左個涼就坎左人，我繼續拆書，然後開始入箱……

執到１０點幾，就去買晚餐，食食下出面又放煙花，突然想睇，就出左房，係洗衣機果邊個窗口睇左陣……比Ｄ高樓擋左唔少，淨係得Ｄ好高的煙花先睇得到呢！這是政大八十週年的煙花啦～

睇完咁就１１點啦～上陣網，打下日記，嗯，係時間去訓了，明天起６點９啊！７點行山……＞＿＜唔可以唔去的呢！唉～～

執書進度明天再寫好了～～

發口痕想食麻辣火鍋

嚴重懷疑是于晴個blog害的....佢張火鍋相日放夜放都唔打算換架啦....咁睇法...又係可以唔餓啦....討厭XDDD

但係=_=邊個陪我去呢?都唔係話一個人去食麻辣火鍋咁驚架??

放上MSN個名度....有三位人兄唔係台灣都話陪我食...唉...我D口癮好短期架咋....到我返澳門...我可能已經唔想食麻辣野了???

最後~~好癲ge五更陪我癲....話星期日上台北陪我食XDDD哈哈哈~~~~

=================可以講咩? 癲左。

今日起到身，打去問完貨運公司就去左返工，返到兩點，因為電腦唔夠，我提早放工，然後同ＡＮＮ小姐確認左信件，佢話星期一會寄～

然後夜晚同FIVE報告一下進度，同埋計畫，唉～希望順利啦～

然後又好夜自訓－＿－又係度搞BLOG....我講風世界果邊啦~~ 五更比左個映片連結我～YOUTUBE的，竟然係張ＳＩＲ！哈哈～好難唔馬上POST耶！

屁股抽筋

抽筋正式名字係肌肉痙攣。
=_=所以唔好裝白癡問：乜屁股有筋架咩？　這一點都不可愛！

抽筋係好鬼痛架！＞＿＜以前小腿抽筋已經夠惡夢，點知今年竟然出動埋屁股.........好啦～其實唔止咁少，不過我今晚淨係屁股抽筋，痛左幾分鐘……定係分幾鐘？反正痛到大哎大叫，想殺人就係啦！！

並唔係第一次，我懷疑係六舍張＿的問題....

(((((但係之前試過唔知咩事.....腋下肌肉也痙攣了....好可怕....))))

ps:我今日好早訓，你見個時間係11:59係因為依架係18號~補寫呀嘛XD

簡報

又係凌晨寫的流水重點

● 朝早6點幾終於完成簡體小說的key-in……之後不再接了！太累了！
◎　訓左一陣，十一點幾痛苦起身去搞暑修的文件，承辦人好爽快，希望順利啦～
●　買午餐返１２點的俄國史，睡了半堂……
◎ 走左國際法...想話補返高爾夫球...點知等到2:20都唔見有車...唯有返房
● 返房見到學姐hi我msn話有事忙...就去左中心打工一小時
◎ 4點係原本的高爾夫球堂...等到4:15都冇車...有另外兩個疑似同班的同學傾左幾句...睇怕是停課了呢...於是就返左工
．放工就殺左亭亭度，食６６食到飽，真係好飽……

缺。

打字打到頭先……right now又天光了...六點都黎緊啦!
唉~~~

呢幾日太過份了...過份到我唔想記下太多....免得以後連自己都頂唔到＞＿＜

我不是故意……但我是認真的。

幾天來做的大事：
　．去左睇醫神演唱會，詳情未寫，但前因已經放左係風世界啦～
　．去左睇醫生，係個死人頭的問題，病因，嗯，冇錯，又係睡眠不足～
　．打極都未打完的打字＝口＝
　．好窮。女人好貴。

無奈的體育堂

尋日(9號)星期三，又走左高爾夫球的堂...＞＿＜因為冇訓，太累，上俄國史果陣都幾精神架，但係佢一播電影，我就死左……睡死。
佢落堂有冇交代Ｄ咩我都冇印象了～～
然後衝上四樓訓教，都訓到半小時，總算做到一些筆記仔，轉堂又訓……仲發埋夢，一字記之曰：勁呀！

但係落堂就唔得呀，我冇食午餐啊！＞＿＜點去上體育堂啊？算吧啦～
下星期補堂囉！
然後，返房食左Ｄ野，傾左一陣ＭＳＮ，就睡死了……然後，呃，咁就第二日啦！
即係十號星期四...朝早本來想補堂的，結果，太痛苦，遲到，就上河堤路睇下見唔見到大隊啦！竟然真係見到幾個人影！呵呵～登山大隊總有人行得慢，她們是天使啊！追上去，正要追到之際，前面有女生係私家車走落黎打電話……囧，人遲到我遲到，真係好，可以打電話確認位置……
我都有打比安琪小姐的，佢冇接，唉，果然，有事冇事都搵佢唔到，【唔理大事小事都唔好妄想搵到佢幫手】呢個係我今朝一時感慨諗到的，反正佢都唔會介意啦？要搵人幫又係搵佢啦～佢都唔會搵人幫手？都靠自己？唉～其實我應該去問老師手機的，但每次上堂都盡可能唔帶野，連手機都冇帶，就記唔到電話了……何況最初係打算唔遲早、唔走堂的……簡直妄想！
算啦～
…………反正都上到堂，算啦～

上完堂，返房換衫，唉～太多汗了啊！食午餐之前又打多兩頁簡體字寄比稿件主人，佢好似真係好趕呢～但我去信話未打完，佢又話沒關係……咁我唔理啦～食飽飽之後因為真係未訓夠，又斷片，睡死了～三點鐘先好痛苦咁起身返工，辦公室的學姐話中心只到６月３０日，叫我做好心理準備，要另外找工讀了～囧？咁佢地呢？也失業了？
莉學姐應該唔怕啦～教授們咁中意佢，佢又咁叻！但另外幾位呢？嗯……唔敢問……

然後因為稿件告一段落，就出左台大，去買今期Lamon同埋行下茉莉，睇下有冇想要的書有二手了……囧？竟然比我見到紀伯倫全集！原價二千，二手千二，我有會員卡打八五折都仲要成千耶！＞＿＜掙扎，但係套書五本，好新淨耶！全書都係根據原文直譯的耶！冰心有份譯耶！他是紀伯倫耶！………掙扎又掙扎之後，買了。

然後去漫畫店買Lamon的時候，竟然見到四葉妹妹的第６集！天啊！馬上帶走～～呵呵～～死窮鬼一隻。

完全日夜顛倒

死得....台灣人話齋...爆肝啦....

．成晚冇訓
．８點幾出門
．９點前上車
十點零幾分去到環球唱片要換票的地點，可能因為時間尚早，換票的人不太多，零零散散，出入同一台電梯的也不過五六人，但進進出出沒什麼間斷，而且我前後的人也不像換一張呢～

換完門票，回程，太熱了，喝個百事可樂當午餐就睡死
一睡就夜晚九點了．．．囧？BAD！

然後今晚都唔訓架啦……唉～

晴，利見叮噹

今日真係有D夏天FEEL啦~
雖然又係天光先瞓...但係起到身返學...今日老師竟然點名！傻眼...好多同學都冇返呢～

放學之後去買杯，上個杯杯因為去花蓮之前唔記得清空，一返到黎就見佢變綠，囧！太可怕了，馬上丟掉！
直到今日先記得去買新杯，順便買鬧鐘的電池，是的，鬧鐘也罷工……真歡樂……

然後返房……晚餐、打字、睇小說、上網、睇ＢＢＳ……沒什麼大建樹之下，收到叮噹大人的電話呢！呵呵～還以為她這次台灣行排不到見到呢～～

叮大人為我送來了兩個出前一丁，呵呵，爽！然後癡住癡住叮大人，好一陣子冇人比我癡啦＞＿＜同埋跟單飲左佢一杯五十嵐的布丁奶茶……然後聊天行操場，見到兩隻好大的雀仔，同埋兩個好夜都瞓的小朋友與人家家長，他們很歡樂呢～

短暫的相處後，就分手了，叮大人明天就飛了～唉～真想跟佢走……

手不像是我的…

好痛……痛到唔想起身，在床上裝死……＝＿＝”

應該係尋晚買書之後，一直拿在手上的後遺症吧～近十本書的重量，是不應輕視的，唉唉唉～

仲有幾萬字要打呢～對雙依架搞成咁，想點呢？

---- 洗完頭加幾句 -----
＞＿＜
洗得好辛苦……舉手原來仲痛，都唔係話可以唔舉手就洗到頭架下？
頭先食左個可麗餅，本來想食牛肉湯餃的，但係時間唔岩，咁就晚餐先食？呃，但係今日星期六啦～唔知佢開唔開添，何況個餅都好飽……

敗家日

忍左幾個月...終於可以一口氣把想要的書書都買回來了...感動...

囧...可是...為什麼本來不打算買的送舊衫竟然已經買下來了???傻眼...

然後買了一條很開心的褲...而它看起來明明是一件裙...呵呵...最愛不乖的衣服了...然後...買了兩件配它的小T裇...同埋一條蛋糕裙仔...呢條真係裙啦...想買活潑的長裙好久了...然後...又買了配它的綁繩涼鞋.....

=口= 超~~~~敗家。

回程路上開始同羊仔傾電話，咁就傾到兩點，電話都冇電，確係……少有！

登山日...

因為連續兩個星期冇返，要去補堂了，於是８點到１２點，連續行兩程山，累攤了～～但風景都ｏｋ靚啦～而且第一堂有安琪陪我～～

有魚有蝶有蜻蜓，陽光藍天吹青風。
很世外小桃花源的感覺。

返到房，就不想動了，一整個就是不想動。就攤到一點多先肯起身返工，一邊玩ｍｓｎ一邊做野，就順便約左走堂的亭亭去食好野，佢未食過mo mo paradise...正好可以去台北車站，佢幫人買電線，但賣晒～

食飽飽，好飽，飽到訓～＿～一定肥。
返到政大打比簡體字的人，接到一份更大份的原稿，又係話趕，唉～明天起又係打字的世界了？嗯，反正後日正好是週末，沒什麼大事要做啦～

晚上又係網上唔知做咩，然後凌晨收到于大的信，啊～～～～興奮！馬上回信！呵～然後，就黎打打字囉～打完就上床，明天要返工啊！死窮鬼呀嘛！

又沉迷blog整理而天光了...

是的...又天光了...尋晚十點幾搞到5點...七小時...

中間有食晚餐、睇卡通、睇漫畫、睇別人的blog做參考啦~~~

但主打都係搞個連結縮短變成下拉式選單....同埋寫左兩篇文...一篇係分類說明的第二版..改成置底...然後係選單的分享連結與感言....

咁就天光...好可怕...等陣十二點要返俄國史呢!!@___@ 好糜爛的日子...好bad...