失算

尋日本來打算今日用黎訓覺休息~ 洗洗衫~ 搞搞課表~ 然後打返幾篇一直想打又未打的Blog文章....
結果嘛...
　　一整個就係失算啊！！

今朝新店圖書館果邊打黎，叫我今日過去，果陣十點，我打算比自己訓多一個鐘，十一點起身，十二點再過去啦～
唉～
但係真係太累啦～根本起唔到，十二點前send左個sms比佢話佢知我要一點先到...

然後就掙扎起身，然後就出門買個包，食住等車，但係等到我想殺人，原來今日政大有考試，成條路塞到傻！唯有再打個電話同對方講我要再遲ｄ先到啦～

兩點幾去到，傾左一陣就寫填履歷表同埋傾班表，feel到佢地真係好缺人呢！傻眼～班表幾乎占走所有空堂!!! 囧!??
但我未有心力去同佢講數，同埋工讀金都低左，得返85NT....唉~ 世道艱難呢~~

做到六點先放工，悠遊卡冇乜錢行去存錢就錯過一班綠１……等到我返到政大坐係房度已經就黎８點啦！唉～仲要洗衫＆洗頭呢！

夜Ｄ，大俠同欣子都主動HI我MSN呢~ 呵~ 真好~ 比較不好的是：返得３小時就開始想著……明天唔返工得唔得啊？＞＿＜