回鄉跨年

因為大家都唔係澳門......所以我決定加入出走的行列.....

佢地有人去台灣
又有人去日本
仲有人去香港
咁我返鄉下!!!!!!!!!!!!! （係只夠我返鄉下……返到去，身上得返幾蚊，回程都有少少緊……）


很寧靜的夜，睇左本小說，就已經一點幾，瞓得，然後十點幾起身準備回澳～
返左去三日兩夜，被養得很爽，呵～
如果姑媽唔企圖要我去見老人家們，我農曆年可能都會返去……ｂｕｔ事與願違，佢仲係極傳統的女人，我放棄……

反正有個大工程，農曆年就留守家中扮宅女囉～

想寫就寫

洗緊衫.....

尋晚風世界終於宣告08改版告一段落了....

然後就醒起呢度.....嗯....改唔改好呢??? 迎下新吧~ 反正呢度本來就係任性的產物...沒差的啦XDDD

煲緊湯.....諗緊幾點晚餐好.....房間D衫亂到想放火燒鬼晒佢地算數.....反正明年幾乎要龜足一年了...囧

羊腩煲

人物：米高大人＋側生＋小五＋我

自家羊腩煲餐，好飽。

呵～買左一年，終於有機會用到個電火鍋煲啦～嗯嗯～好味～

第二日個午餐盒好多飯呢……ＯＲＺ

又睡死了

好無言...一入門就眼瞓....於是返房換衫(家居服)...馬上就瞓死左....

室友歸來...醒左一陣又瞓...THEN....9點幾先醒....醒起要食野...YOU KNOW~ 正常人係要食野的嘛~
好在尋晚已經煮好~ 叮返熱就食得~ 唔係我十成出前一丁算數=_=

然後1點幾又瞓...話說我前日已經12點幾上床(12:25前)....未免瞓得太死了.....

OH....又係辦公室...星期六真係令人唔想訓~

又回暖

岩岩先凍左兩三日....又話會輕輕回暖一些些....咩世界黎架~~~

and 頭先食完飯...睇網上漫畫...時間太短又唔知睇咩好..就重溫左[她與他的事情]的大結局
很糟糕
訂左個幾月都仲未買到...咩世界黎架!!

好想睇淺野同有馬笑良的故事啊~~~完美少女+美女畫家~~~
天啊~~~另一個世界的故事~ 真實世界不可能存在...所以先至咁想睇呀嘛~~發下夢都好呀~~~

另外...=_=我想寫寫呢部作品的感想好耐好耐好耐
大結局左都兩三年了吧?
仲未寫...
無奈囉~

熱愛流水帳....

所以呢個[純日記]先至一直想合併去[風世界]...結果都仲係未成功....

拖著拖著....咁又一年....
是旦啦
隨緣啦
反正後台都係同一個
要管都唔難啦~~

風世界果邊係放得落...但係嘛....風格差得太遠....我自己都驚亂....
不過如果回顧自己多年隨筆
放係同一個又好似開心d
唉~
女人~

梗在心頭....梗住

上星期先同人講呢份工唔洗捉人出錯...發現錯左就改返岩佢就算
因為分開N次對單就係怕出錯
之前我搵到錯就直接幫手改返岩...或者問人錯成咁要點改之類

但係頭先竟然有人搵我叫我改返自己搞錯的東西
心底真係一整個不爽到極點
點解人地搞錯要我改
我錯就要自己改!?
唔公平啊~~~~~~~~~~~~(大叫!)

好啦~改下錯處唔係太辛苦~只係心裡有點不太爽咁解者
發洩下...好返少少囉~

人嘛
總會出錯
而呢幾日更感慨GE係:人手錯人手改,不難。難在見唔見到個[錯]
機器錯、系統錯,要改……很難。因為機器、系統係唔會[知道]自己錯ORZ

比系統玩到就黎謝的我留

囧！竟然一半都冇

剛剛寫完風世界第五百篇的紀念文，到這邊來看看，發現2008年寫到今天，文章數量竟然連06年12月的一半都達不到！
有夠跨張……

ＯＲＺ

好吧～我得承認，日記總是很容易變成週記、月記、季記、年記……

希望這裡不要太快被我遺棄先好……唉～我的財務記錄，十五日就陣亡，都算心底的痛呢！

話說聽古典音樂

是不分階級的，只要你有興趣，有空閒，在澳門有不少免費的表演，多得政府有夠充裕的富房……
可是啊～
帶點禮儀進場吧～別動來動去的，病人嘛，留在家中休息如何？重重的呼吸聲一整個就是擾人啊～
還有啊～什麼感想、評論，留到中場休息或散場再好好討論好嗎？？
＞＿＜

今天旁邊的聽眾有令我無言到……噢，還有坐在我後面的女士，多點儀態，不要動不動踢前座的椅背，人家正在陶醉會被你嚇到的！！！

明天起可能又會很忙了

上星期一加班加到8點....然後....過左成個星期的閒日子.....
都是因為公司個入單出單系統要更新之故....
明天起它又正式投入運作
我地又要開始忙忙忙忙忙到天昏地暗了....
唉~~~
凡事都有代價呢~~~

呢幾日閒日子....我幾乎將facebook玩到爛左XDDDDD
哈哈哈哈哈~~~

唔見銀包驚魂記之差D冇午餐食

頭先好驚心架....我去買野搵唔到銀包....又­唔確定自己係跌左定係冇帶...因為上一次用係尋晚食飯....結果我衝回家去ORZ一路上超驚的....想說真係唔見就...囧/
好在佢係個舊手袋度....相信係我尋晚執手袋將個新銀­包認錯係舊銀包...放錯了咁驚心ge主因係我尋晚有執手袋...記得數齊野先拉埋­拉鏈架....
(COPY & PASTE添~呵呵~ 依架食飽飽加安心晒啦~ ^_^)
以上係我寄比five的mail....copy自貼比rain的留言....真的有夠懶......汗

1點先發現....掙扎左一陣就飛返屋企啦...然後係樓下買個麵麵又飛返公司....返到去好在上司仔未食完...於是就冇咁尷尬地開餐用以前的返威記的速度解決佢

話說係巴士上已經想好如果上司問我做咩咁遲都未食晏要點答架啦~~直接解釋發生咩事囉XDD
解釋已經等於掩飾啦嘛~呵呵呵~~

驚魂記外傳係：兩張信用卡加一張身份證加兩張提款卡....真係唔見都唔係話唔麻煩呀下???
萬一被盜用了就愁上愁了!囧>
好在有驚無險~

PS:就係因為咁, 唔記得提五更明天有希拉利的音樂演奏會....right已經係10/14架啦....等陣8點就開場...佢仲要回家拿門票+換衫衫呢~?

不合時的颱風....

早晨返工前聽到新聞話1號風球現正懸掛.....放工.....返到屋企....先知佢7點幾先掛8號風球...
討厭
佢十成撐唔到聽朝啦＞＿＜
好想放下颱風假啊～

同事話個風〔鬼鼠〕,夜麻麻咁黎,又夜麻麻咁走....orz

新機上路不順

終於買到新機了....可是....不太順利呢＞＿＿＜

唉～～～～明天又要再托佢落樓同埋上樓．．．
好煩

9日大假

已經過左兩日.....時間真快....等緊CTT黎陪我出大陸修眉=_=足足成個月無理過佢地....

然後嘛....約左大俠晚上又睇煙花....
尋晚輕輕睇左少少囉....
因為有點餓就掛住食野睇得少少囉....
今晚希望睇得晒啦
因為下星期六我有個PARTY要搞.....肯定無得睇架啦~~~

下星期一就正式返工啦.....呵呵....仲有一個星期GE假呢！

三姑回歸

頭先上上下網突然發現三姑回歸了!!@___@"汗~
竟然隔左成個幾星期先知呢~~~

呵呵~~~又有得笑了~~~~

ps: 岩岩去完五更家打麻雀歸來....輸很大呢....lan大贏家~

久違的早更....

八點幾訓到兩點...起左身....就不太想訓了呢.....距離返工有好尷尬的3小時..訓又唔係...唔訓又唔知可以做咩...

終於正式進入早更了.....岩岩好半個月....一直返到七月底先轉更.....唉.....
我自己實在係怕早更的....雖然私人時間多好多....
＞＿＜但係起身真係好不簡單....

充實的一天

早晨，宿醉未醒就比five叫醒準備出發飲早茶....難得齊人嘛....
．叮大人
．小糖糖
．飛比
再加上我跟five...五人桌呢～聊啊聊的～

聊完，five返學、叮大準備返工，我就去幫五更買午餐順便睇下佢新添置的新居～有精緻到！而我的玩具還窒在某角落，仍未見天日orz

然後，四點去大會堂會合莫蕊、大俠，我地一齊睇街頭超人，ｗｏｏ～有好笑到，不過很可憐，真係好慘，明明相愛偏又不能一起，結果就不如不愛……

這套戲點出神人相愛的古老要點：成為人，變得脆弱，變老，然後一起死去。
其實，人類把愛情放得太偉大了……真的是神，無敵的強，為了愛而變弱且老去……不是人類自我安慰的情意結是什麼？
唉～～～

之後我跟大俠車返黎，大俠邀我一起下午茶一下，呵，她長大了不少呢～
不過我今天才嚇然發現，她原來是個水瓶人！囧！天啊～～～有震撼到！
再然後，就回家睡死了＞＿＜好累～連續兩晚飲酒耶！

癲左

(right now實時係 14號的凌晨三點幾....都忍唔住寫返果日的狀況)

中午就比達少電話嘈住，不過基於前一晚酒精關係，所以都繼續訓到四點先起身沖涼出門～
我地約左下午茶，聊聊近況。＿。不可思議，佢話佢部五年手機比人偷左，係偷左！小偷先生一定好後悔，唔係就十成詛咒緊達少……

之後就行街shopping....一個人....汗......咁都洗左成千....幫襯左vertical club同veeko買返工衫...跟住係IN shoe的特價鞋....買左對涼鞋同兩對返工鞋....仲有一隻ＵＳＢ，陪達少行幸運閣的收獲＝＿＝他有變態到囉～成人搵人陪佢行，幸運閣明明咁細……
唉～懷念台北的光華電子區啊～～～

再之後係同羊仔去學車……嚇親佢ＸＤＤＤＤ　哈哈哈～

夜晚係五更主辦的唱Ｋ，佢又染左髮了～嗯，莫蕊仔都有黎，佢勁啦佢，一個人隊冧全場～
不過，不畏言，大俠果句【我好耐冇醉過】確係有戰意、有挑釁到～
莫蕊個俄羅斯輪盤都有狠到！全場得佢一個冇跌過骰咋！狠！
不過佢後來比我地隊返轉頭，冧到噴ＸＤ誇張！
呵～佢同五更一致好有感觸地係咁講：要湯係現場湯，唔好返屋企湯……哈哈哈～白癡～大俠湯完到我，佢係咁掃我背，想唔湯都唔得啦！＞＿＜
不過確係有舒服到又係真ge

玩到5點...top one閂門先散....真係有陪青春呢~唉~

PS:我都好耐冇寫咁長ge流水帳呢.....

又煙又酒

唏噓得滯....忍唔住去七仔買左包煙....係露台食左四五支先死去訓.....

事情點長.....唔係好有心機打完.....

關P先生事.....主要係佢....次要係C上司同B上司啦....唱雙王....想點....

返工前先至想第二朝遞另一份工....佢地就咁樣.....唉.....點可以咁架....


P先生又係=_=成日話人老....偏偏...點駁都駁唔過心底的認同....唉......唏噓.....
本以為忍得過廿五先成為煙民的.....
但係又覺得何必如此限死自己呢????
我唔係果種人....點解要做果種事呢???

唉～～～～～～

又一個人睇戲

睇9點半場....澳門大會堂2院....[[ 殺神特工 ]]

個劇本確係唔錯....不過佢冇交代到男主角後來係點樣翻身....實在有吊人胃口到...

睇完先發現黎小明都係度呢@__@好尷尬...我一個人去睇....打招呼?? 不熟耶....而且佢疑似有友人在側???算吧啦~~~

部戲算好睇....最少預期中的特技野都有出現....祖莉確係靚得很.....不過歲月痕跡騙不了人呢...唉~~~外國人可惜的地方就係老得快....而且明顯＞＿＜黃金歲月好短呢！


ＰＳ：回到家竟然撞見某則先生呢ＸＤＤＤ　　哈哈哈～～～

風神來了

風神係今次颱風個名....=_="汗顏....真係唔知邊個諗個咁正ge名呀下.....

尋晚返工就知打3號風球....成晚係度諗會唔會掛更高....結果著陸後都冇更高.....
點解會咁諗呢???唉~~~人地香港晨早就掛左8號啦...返工果陣就已經掛左啦.....

成晚睇E仔....悶爆....好在有睡好.....不然一定陣亡.....

放工.....果班友竟然話食早餐....冇病下??? 打風耶.....都癲ge....算吧啦.....
雖然有點刺激到我當年的熱水....但係我已經唔青春啦....新鞋卡腳又打風....回家窩在床上先係神仙級享受啊！加上手邊有于晴的大興皇朝XDDDDD

((岩岩訓醒睇完大興III....本來想打心得架....但係有點懶....還是算吧....反正今個月風世界已經有新文章充撐一下場面....沒差啦~~)))

見完羊仔

這真的不容易.....約約約....好似約左一世之後.....終於加總算見到一面了.....

如果唔係約到下星期再見....真係唔想咁早放佢走....雖然明天已經要返工了.....(過左12點好多...話係今日要返工都得了~~)

大家都係輪班人......早就預料很難見面.....只係冇諗到可以難成咁樣orz.....

一個人睇戲

睇左納尼亞傳奇2之賈思潘王子十世........想睇好耐....但係我發現自己睇ge廣告同大家睇ge版本差好遠...然後我去左youtube搵....竟然完全搵唔返果個版本ge廣告....
orz
點可以咁樣架....
蝦人！

王子～～～係果個廣告度真係好正呢！唉～～～～如果蘇珊可以留在納尼亞就好了～～～

可惜，美好的故事，總有結束的一刻，電影完結時，我真的不太願意離場……
咁講，其實佢真係拍得不錯啦～起碼入場的我不覺得被騙錢嘛～～

噢～～～當然啦～～～一個人去睇其實都幾無奈的，一直都想睇，但係，嗯，大家都知道的，約唔到人，咪唯有自己去囉～
一個人，唔洗就人，幾時得閒就幾時睇囉～
唉～之前有朋友仔想約，但係時間點點就都唔多得，就想說算了～太勉強也看得不開心吧？
睇戲者，何必咁大負擔呢？Ｒｉｇｈｔ？

我一個人睇，睇完覺得佢好睇，就好了～呵呵～如果天空不下雨，成件事會更美好一點！
剛剛實在有浪漫到～
一個人的浪漫…………囧＞是想怎麼樣呀！！

PS:返黎忍唔住寫左一篇文係風世界添XDD

又係東湖.....

今次係大地震後的第一次早茶.....當然也是新人們加入後的第一次啦.....

新人們看到他們這樣明顯有傻眼到吧???哈...唔知....

不過....完結時...我還是自己走人....好似......唔知呢.....太獨立了????

可是....想想....難道真的等老細黎車咩???? 算了吧???? 我又是不人生地不熟的異鄉客....也不是小朋友....還是算了吧??
而且跟老細兩個人在車上.....要說什麼....什麼都不說的話....也不好吧??? 還是先走人好了....

喝得不太多....回家一直睡睡睡到小五歸來.......

對了....今日頭條正是大家去飲早茶的Topic....大家都辛苦了~~~

帶新人

超汗顏～～～～仲要一人帶兩個添！＠＿＠差Ｄ出事～好在上司冇講咩……

今日有災難性到，然後Ｃ上司好像越來越犯眾難了呢～幫佢唔到～～～～

搞不懂老細

果頭話完我.....呢頭又係度裝可愛....佢想我比咩表情呀???

orz 我不懂.......

轉職風波.....

確實算係風波的.......
因為都幾大......唉～～～

第一份工要一直做到老嗎？這是一個很大的問號。
在部門裡生還下來，不代表真的適應這裡吧？
就算真的適應了……這裡真的是我喜歡的地方嗎？
少了個甜心，不得不多了些問號……

有日同期同事問我當初係唔係因為小糖糖而入黎做，半秒就答到佢：我係架～
Ｃ上司路過問：咩話？
佢好似聽到Ｄ但係又唔知佢係咪真係聽到……汗"

返早....但係唔想訓

所謂的早...係清晨7點到步....最遲....
依架已經1點....

唉....同上司們傾左轉部門的可能.....好狠........唉......

留守都變得有點尷尬.....

今日有意外收獲....

尋日有一個error 已經令上司覺得咁難得呀...答快左喎...
今日竟然有3個...做完頭兩個....上司已經ｗｏｏ～左出黎...到第3個...我覺得今個月...很夠了XDDDD

爽啊！不過……一口氣咁多，令我心跳不停加速，負荷真大呢～～尤其，今日有訪客.....

另外...D先生仍然傷殘中....唔知佢咩事呢....

嗯....今朝差少少遲到...打左比E上司...實在係的士司機未免太[之油]...我真係驚左佢...然後clock in 果陣D先生竟然打比我....我一開電話就講：『打緊卡入緊黎係咁啦！』就收線，然後入去。
收線之後先諗到：咦，佢會唔會其實都未返到呢？
好彩係我想太多了～～

Ｍｅａｌ果陣，遇到我家盈妹呢～一起午餐，小小聊到ＭＴ又請人的廣告＞”＜還在掙扎中……真的要去interview嗎？愁……

最後，she卡竟然批左萬五limit比我...足足係中銀的一倍有多@___@

又係出門前留幾隻字

今日好多野要做....唔知做唔做得晒...

1.去永亨銀行搞SHE卡
2.去中銀找卡數
3.去買大膠袋(裝衫)
4.去問水電工人關於搬遷安裝問題
5.搵出羊仔
6.預約搬家公司

後兩項不太有信心完成得到.......ORZ 盡人事啦~

換好衫準備出門

賭。

(地點:Wynn)

東湖的早茶,....

有點不歡而散的感覺...................覺得自己好假................勁有衝動即場辭職........................

唉~~~~~~~~~~~~~~~~~~~~~~~~~~~~~~~~~~~~~~~~~

然後忍唔住打長途比亭亭呻..........得佢.....我比較肯定係得閒.....點知佢今日都要考試....囧!!!!

比人話我騷擾......死穴.....沒有更大的死穴.......比人身攻擊更hurt.......

send左sms比佢.....得個知字.....問佢我係咪唔係度會比較好....點知佢竟然回電....但係開聲講電話ge人係佢女友....orz
呢個係咩狀況??????囧x1000000000000000

孤獨的Console.....

其實獨立工作是正常事....但係遙遙聽到island咁開心....又有歌....自己呢邊咩都冇.......
又冇人陪我去meal......
一整個就是度秒如年......百年孤寂一樣.....忍唔住唱起：
從不～喜歡孤．孤．單．單．的～一．個～～卻．偏偏～孤獨一個…………

連唱幾次，真係忍唔住悲從中來……唉～～～我總是感情太豐富卻總是偏灰……

但係，真係，無人關心，無人在乎，無人理會的感覺，有夠ＯＯＸＸ的

小糖糖的生日聚會

人物有FIVE、飛比、小糖糖、我……叮大人人在香港受訓.....來不及參與呢~~~
就像上次名目係慶叮大人生日....但係佢本人竟然冇到.....

今日最少主人翁有到....雖然係遲到......呵呵.......

好久沒有這樣聚在一起聊天聊天聊聊到天昏地暗了....可惜店家關8點....而我同小糖的巴士開8點半.....
並沒有太盡興就散席了,......Ｊ先生負責最後的合照同埋幫小糖拎禮物回家去……

我最後只係買左地圖鎖匙包比佢，唉～真係諗唔到啊！＞”＜唯有跟風繼續送地圖囉！

在等車返工的時間，細路黎搵我借錢，禁左一千比佢，佢竟然仲想借多Ｄ，小丙呀下！明知自己唔夠錢仲買左車先！不過我自己都洗大左，比唔到更多啦～唯有叫佢慳Ｄ，同埋唔洗還囉～

早茶=早酒!!!??

同事們又話去飲早茶......結果.....又係像酒.....本來跟住小糖糖....應該不用去的....都係J先生唔好...搞到小糖糖一氣之下....竟然就跟大隊去.....我......就冇左借口唔去..............

結果.....某人脷搭脷....有夠核突.....笑到肚都痛....係真係痛的果種痛......囧!!!
Ｃ上司冇親眼見證，只係係我出門透氣時講比佢知……

然後,,,......唔知點解.....我今日難得猜贏.....最後一次贏......竟然係比人錫.....某人真係愛玩成性....我無言......
又要錫又要縮....核突啦.....
人地Y小姐不知幾大方=//////=雖然我個人比較想親親小糖糖啦.....哈哈哈.....

最後....某人突襲成功....少飲一杯.....又係我利誘下道歉....我又幫佢一杯....大至結束呢餐飲到中午的...早茶ORZ
（我個人係有嚇親的，不過，有少少彌補到頭先佢縮沙做成的少許自我嫌惡啦～～算係咁啦～）

席間有人玩起猜謎。我秒殺某人得很爽~~~~呵呵呵~~~~咁又一杯！
未問完就知佢想問潛水艇～嘩哈哈哈～～～～

愚人節=要呃人??

就因為愚所以容易被騙??? NO! NO! NO! 當然唔係啦~~~~~

雖然我唔知節日的真正由來.....但係....我記得呢日呃人....被騙的人唔準嬲嘛.....多麼美好....一年有一日可以比人盡情發揮壓抑的劣根性→詐騙------> 或者應該話係....惡作劇心理XDDDD

所以今日我個MSN名係：
- 風 - 下星期要準備移民到紐西蘭做二等勞工了~~~月底出發飛到另一個世界，唉，上司實在太兇了啦！

哈哈哈～～～雖然我在狀態那邊有打〔愚人節快樂，上當的人留言一下吧～〕還是有不少人上當ＸＤ嘩哈哈哈哈哈～～～爽！

夢境.....

呢排夢見Ｄ先生的次數很密，是日有所思掛？
唔知，不過頭先夢見佢病倒在床上，然後縮在一角，好似驚死我會非禮佢咁＝口＝是想怎樣！？
然後佢係咁用紙巾，因為佢病呀嘛，流鼻水，我去同佢搶，佢竟然睥我！？
我勁無奈咁話：依架得你一個流鼻水呀！？
然後我就用搶來的紙巾抹鼻，然後……我就醒左啦＝＿＝”醒左發現自己竟然鼻窒！同埋有Ｄ唔舒服囉～
咁……係身體影響夢境定係夢境預告？ＸＤ

情場失意，事業……

可唔可以比我得意一下呀？＞＿＜好希望今年內可以成功轉換部門加小升半個等級啦～～

人地都已經情場失意啦～事業就得意一下下吧！～～～（吶喊～合掌～拜託啦～）

尋晚同five傾左一輪未來的美好生活，最美好的當然係我轉職成功，可以擺脫輪更又前途一片光明啦～仲可以同盈妹妹一起受訓呢！＝／／／／＝爽～

另外的優勢係：可以遠離Ｄ先生同Ｋ小姐的無限閃光～

做錯事

好唔開心.....maybe就係係人地做錯事...暗自慶幸做錯野果個唔係自己的報應吧???唉.............

希望上司只係嚇我.....唔好真係扣我人工啦.....最差....就好似同事話齋...最差都係唔加人工...orz 明明大家都有得加ge時候竟然冇得加就夠可憐了....唔好扣啦～>"< 真後悔....早知唔接果個電話啦！ｓｈｉｔ！奶晒野啦依架！
當然，如果可以好似小唐唐話齋只係嚇我就更好啦～～～唉～～～～～～（但係真係唔敢樂觀，近來太黑啦，而且，Ｃ上司同黎生都咁講ge時候....好難咁樂觀架！＞”＜不過，有人安慰的感覺其真好好啦～～～）

岩岩放工返黎，頭先係Ｍ先生車我地（４位同事）回家的……真……係估唔到＝口＝因為佢上星期先整喊我……

今年冬天特別長

連續寒冷天氣.....成個月了..........仲有2日....就3月啦! 但係仲唔覺佢想回暖!>"
長長的冬.....心情都特別容易唔開心......思想都特別灰..............???

我唔知.....反正....我又唔開心啦......唔知點解....MAYBE係天氣的錯???

咁相對黎講的確係凍左好耐....陽光都見少左嘛>_____<

不想瞓

可能因為聽日就係WPA掛? 壓力太大搞到失眠發作??

正在做如果唔過的心理準備Orz......唉..............現實真係殘酷....


頭先放工....D先生透露同期新人的L小姐要7日後就唔做要請辭了....囧> 半年期都到了先至唔做?? 咁驚嚇??? 真係估佢唔到囉......女生們真係走得好快...........

下個唔知會係T小姐定係我呢????....雖然我需要高薪對付老媽大人....但係....撐唔撐得到都係問題
正如D先生說的....其實我真係幾幸運的啦......

jumper

今日又一個人睇戲....不過今次係大會堂.....睇Jumper....時空行者之類.....
驟看似去年日本動畫《跳躍吧！時空少女》的idea....因為都係時空跳躍呀嘛~~~

頭先睇完......果然東西方總是有差別的....廿年前的小說改成的動畫是走感動人心的方向.....因為動畫本身就是很科幻的....就沒有花太心力在這方面吧???
Jumper是走科幻驚嚇路線的.....主軸在瞬間轉移.......並不是時光機.....因為時間軸疑似相同...不相的只是空間....而且血腥得多....在閃客與獵人之間....是無情的獵殺.....大配角的閃客說獵人從中古世紀以來就追殺閃客.....是宗教狂熱者.....所以閃客從中古世紀便已經存在了???

電影沒有交待這一環.....但有講到主角的母親為什麼會丟下才五歲的主角遠走....因為她是獵人....看到自己才5歲的兒子竟然是必須追殺的閃客.....她沒有選擇了....除非她能痛下殺手...不然就必須離開他...

我在想....如果是我.....我應該會變得更孤單吧??? 那樣的能力只會讓人孤獨......如果不能公開....
--------------
明天又要返工啦>"<

被公開的關係

Ｄ先生同Ｋ小姐的關係在Ｒ先生的煽動下被公開了！！！

這明明是早晚的事，我早就做好心理準備……卻竟然……心痛！？？？囧＞點解會咁架？
好可怕……人心難測，被自己嚇到了！囧／

今早的早茶，竟然連老細Ｃ先生都黎埋的情況下被公開……＞”＜以後應該冇人會再將我同Ｄ先生兜在一起講了吧？←呢個認知竟然又讓我一陣失落！？天啊～～～～～～點解會咁架？

久違的流水帳

頭先輕輕咁返睇左之前寫係呢度的日記.......發現流水帳都幾好呀....清清楚楚果日發生咩事....雖然悶d, 但係果d係真係發生ge事呀嘛....我ge生活的確係咁悶呀嘛XDDD

雖然可以好夾硬咁講得冷有趣咁......但係.....我懶嘛！
－－－－－－－－－－－－－－－－－－－－－－－
（唔知做咩要整分隔線ＸＤ）
－－－－－－－－－－－－－－－－－－－－－－－
今日凌晨返緊工，一晚連續兩單Theft case....做到人都癲呀！第二單果陣同Ｒ生確認細節，佢話我熟手，我無奈到爆，岩岩先做完一單，中間夾得一個細到咩咁ge BJ case同兩個manual就黎一單Theft.....好難唔熟吧？

Ｄ先生放工果陣又唔舒服係度食藥啦～本來佢係搞手話要飲茶，結果告吹，佢睇落真係病病呢～所以佢冇車我回家，我自己坐員工巴再轉新福利，八點半到達。＿。足足差一小時呢～
希望佢今晚唔好Sick leave啦＞”＜今晚last啦....聽日放假...然後小唐唐就準備去旅行.....

放工食左d野就訓左......5點幾起身覆返老媽的電話....佢話要失蹤啦喎....今次唔知係咪真....不過等陣會拎返張屋稅比佢搞...分返開兩邊的水費電費單....免得我成日過去搵人....

假期就完啦!!!

唉.....好唏噓....返工之後...假期少左好多好多....好累....或者又係時候請個假休一休???

上司話呢兩個星期要準備考試了....半年期的果個考試orz....真快....完來呢份工唔覺唔覺就做到差唔多半年啦???? 好快啊~~~~~~

希望考試順利啦＞＿＜因為……可能冇得轉工了啦～～～～

魔間理髮師

同蘭去左澳門大會堂睇呢套戲,....9點半....之前一起去食大板屋....

套戲係歌舞劇改編的...所以幾乎每個角色都唱歌XDDDD 搞野....是復仇的殺人血腥片
血花紛飛的場面可真不少呢！兒童不宜得很呢～

蘭說它根本就是西洋版的「人肉叉燒包」嘛！因為理髮師殺人，肉餅店女主人用人肉做餅，大賣特賣……ＷＯＯ～

開年飯

6點幾收到D先生的電話...話D同事搞開年飯問我去唔去...我話可以呀...時間呢"???問左3次...佢先話7點....結果我7點4先去到....7點半都未知位置....而D先生係8點幾先到...餐飯9點後先開得成....
囧....傻眼.....

是對岸公司的範小姐搞的呢....所以只係比較有聚在一起的人而已....其不是部門自己搞(?)啦~
11人食左3千幾...一人三百幾...K先生晚來...竟然已經食飽...真奸呢....

重點想講飯先的賭局...一枱麻雀加一枱啤牌....玩左半小時....D先生做莊贏了又輸..輸了又贏..K先生錯過了XD
我自己贏了三大洋...呵呵,,,後來再算算....應該是贏了十三大元才對,...因為有跟別人兌換過散銀....哈哈哈....贏最多的那位都唔夠填呢餐飯啦....不過唔知麻雀果邊的戰況如何就係啦...

第一道菜：燒乳豬。＿。
而我坐在Ｄ先生跟Ｋ先生中間…勁無奈～～Ｍ先生耍的小手段，明明空座剩不多還跟Ｄ先生換，呵，Ｄ先生晚了一點點就只剩我身邊的位子而已……本來Ｐ先生可以坐我旁邊的，但大家已經發現可以起哄的位置了＝＿＝”汗

ＰＳ：於是，跟大俠只是在西灣安記小食一下下午茶咋～～成年冇見佢啦～～～唉！

利是逗來

呵呵~~~今年是去年的3倍....雖然先至初一....已經收到3封了~~~爽~~~

喔呵呵呵呵~~~ 是已婚同事派的啦~~~ 有一封係公司派的開工利是~~~~

今日都仲係凍到傻左....得返6包暖包咋！＞”＜點算好～～～

年三十晚

都係一個人食飯.....沒有團年飯好多年了....老媽大人不煮嘛....我又懶得煮....

又不是沒吃過....唉....還記得那些萬分不快樂的新年....歷歷在目....還是孤獨點比較自在...我孤單但我不用哭泣了嘛！這就很好了～～～

唉～～～～～～～～我盡左人事架啦，關於唔再講咁多以前……明天大年初一，大家新年快樂，我都快樂Ｄ啦～

今日公司派左利是啦～唔係紅包，係金包ＸＤ
利是封係全金色的ＸＤ　好傻眼，聽說是祕書們明天放假，所以就今日派左先～～呵呵，沒關係，有得收就好了！

太忙

真係好忙....忙於生活、忙於工作、忙於與朋友會面、忙於整理家居、忙於睡眠……

於是只能犧牲虛擬世界的娛樂悠閒了....誰叫我根本不閒了呢????????唉......

重點大事記錄：加人工了！出花紅了！爽啊！！！嘩哈哈哈哈～～～

然後是.....嗯.....害羞的事....詳情請轉向紙本(←呢七字真言係比第二時ge我自己睇架啦!!XDDDD 路人唔準問啊！)

還有十小時就要飛台北了

離開果陣話最少兩年唔返去台北.....................結果連半年都唔夠就出發了!!!!

囧！傻眼～～～～～

另外，今日發現有Ｄ同事真係幾令人無奈……別人的私事何必深問呢？

至於我的某人跟我說：感情係唔可以勉強的。
我無奈但仍然直覺地答：我冇呀～
＝＿＝？我哪裡有勉強到誰？我咩都冇做過吧？

當然最乞人憎的是狂串我唱歌啦！不過～～太遲了，我在很久很久很久以前，即係我小四果陣就下定決心，當我想唱歌又冇嘈到人的時候，我係唔會因為自己唱得唔好聽、走音、甩拍子等等理由而停止唱歌的！
我有我唱歌的自由，如果難頂，佢地可以講，我會停，但如果只係嘲笑，我已然免疫好久了～呵呵呵～～～

最後，今日工作不順，好多挫折啊！＞”＜

震驚!!!

跟five行街時遇到....路人甲....嗯...當年一度是如此稱呼他的
然後我被嚇壞了....佢變得不少....竟然我仲認得出係佢...即係未係太可怕....只係...style未免轉變太大了...囧.....傻眼....

害我say hello之後....笑容僵硬掉....還不禁低呼了好多聲：OH MY GOD!!!.....

他....曾經是很重要的存在....咁樣一遇....一整個就係形象破滅....好心痛...我幾乎聽得到心碎的聲音...............orz

今天我跟five是今年度第一次聚在一起....交換了不少驚訝又嚇人的消息....世界是如此的荒謬啊......

等陣去考試....

好似好久沒考試了XDDDDDD

一點也不期待=_=" 甚至有點想曠考的衝動.....真係比小唐講中....唉.....我咩都冇溫到就去考啊～好難唔想逃走的……ｄ法律野真係好嘔心呀嘛！！！＞＿＜

陽光很好....早點出門吧....考完再搵FIVE.....第一次申請的AL...就這樣用完了???

明天是LAST DAY....之後....就是大轉Team的新時代了＞＿＜希望我適應得到啦～～～～～

持續流水記

唔知邊條筋出事....突然又想繼續寫呢邊的日記,,,...

今朝嚇醒.....就蔥蔥出門....出門後有點呆然...要去哪裡啊??? 隨便的上了第一架遇上的巴士....看看時間....快十點了...就想說去拿個褲子吧....之前拎左去改褲頭...嗯....條腰冇左兩吋...囧....好可怕....

十點去到先見到佢開十點半...半小時??? 做咩好?? 結果又上左另一班巴士去左文化中心入會...
藝術博物館之友會、文化中心之友會；兩個會的會費加起來是＄１５０大元。
之後閒逛了一下，又坐車返水坑尾……閒著，就去交電話費，同埋搵基本法，原來冇得買，要去行政大樓攞的……

之後同五更一起午餐……交換一下近來的公司黑暗面，社會果然係殘暴戰場……

五更問起我對於某人原來在追求Ｋ小姐的事有什麼感覺？
我直覺答佢：原來如此！的感覺囉～←呢個真係第一感覺，之後嘛，我並沒有細想太多……
五更再細問：會唔會唔開心？
我有定格一下下再搖頭，話冇……

好似真係冇？反而有種真相大白的感覺，或者我潛意識都FEEL到D野???嗯……唔知呢～
可能我一直覺得自己並沒有太深愛他吧？？只係好感之嘛……＝＿＝”咁講會唔會唔係太好？
不過，佢記得我的示愛，我有開心到，至於他跟Ｋ小姐的背影，嗯，諗諗下……好似又真係有少少酸意呢……

其實已經習慣左自己中意的人唔中意自己的事了……所以先至會當有好感發生的時候，就會小心翼翼，隨時留神自己的陷落程度，自我保護意識提早很多了～
很難再好似細個果陣咁橫衝直撞了……除左驚自己受傷，亦都驚傷到人地嘛～哈哈哈～講得咁好聽，其實都仲係好亂黎，明明就口沒遮攔咁講晒出口，自己無悔就算，唔理人地聽左會有諗Ｄ咩……

不過又關我咩事呢？我又冇迫佢地聽，係佢地迫問我的耶！ＸＤＤＤＤ　借口！哈哈哈～～但我中意自己任性ＸＤＤＤＤＤ

又同佢地去飲酒

大眼仔冇開....所以又係立記.....今日兩個新人都有去....而我明明都係新人....但係因為佢地新過我....我就變左舊人....囧....呢個世界....真係神奇....


某人同Ｋ小姐真係有Ｄ野呀下！唉～～～我真壞，這根本就是在搞破壞嘛？呵呵呵，他活該，這是報應？呵呵，也許是劫難～～～

正如他也許是我命中的災難，總要面對的，難得我終於不再逃避了，他也該面對一下下困境了，總是如意，他會不夠珍重Ｋ小姐的……

我也蠻喜歡Ｋ小姐的，希望她不要因而討厭我才好＞＿＜

金先生、Ｋ小姐都要離開我了，聽說連加先生都要走？好不捨，才剛熟悉一點點而已啊～～這樣就要離開了？！＞口＜不要啦～～～人家寧可被閃得心痛也不想這樣啊～～～～

並不是我說不想就能不要的……

很難回答的問題

今朝放工.....同事問左一個好難答ge問題：你係咪乖女仔？
我直覺答佢：你呢個問題未免太難啦！問過個易ｄ得唔得呀？
佢又重申：你係乖女仔吧？唔係果ｄ……

講笑式的對話，沒有深入到什麼地步，但係，我真係覺得好難答，乖，又唔係我話自己乖就係乖，但係我又講唔出自己唔乖喎，明明有乖到嘛～～
嗯，係我單純，我唔應該跟住個問題諗野，而應該反問：關你咩事？

呢個亦係重點，我乖唔乖關佢咩事呢？而且，有眼睇的吧？我乖唔乖都要問？有咁難分辨嗎？ｏｒｚ

飲到嘔.......

很誇張的一次......教堂的鐘聲???

清晨才回家;.....是...[[台北晚9朝5]]嗎??? 不....凌晨三點才集合到....然後5點多散席....

凌晨街道上的一對....背影多麼好看??....打搞人家是不對的....

而我很乖....什麼都沒做....只是看著....然後離開.....很乖哦~~~呵呵~~~~(這是苦笑吧!)

飲太多是我故意的....然後借醉講d平時死忍爛忍唔準自己講ge野....自制力太好都唔係咁好...要借用酒精先講得出口....真bad....

或者只係人ge關係??? 係對象ge問題.....??? 唉....我唔知.......其實有d野....講唔到就講唔到...冇計....偶爾借醉一下而已....我總會原諒自己的

而且都只係講下者....對大家應該沒什麼影響吧?? 能聽到的人都醉得差不多了啦...沒關係吧??